إحياء ذكرى الشهيد جاسر جبر قديح

يعطيكو العافية يا جماعة

انا حبيت اكتبلكو هادة الموضوع لانو بصراحة اكتر موضوع انا متأثر في ولن انساه طوال حياتي


استشهد شاب من مسجدنا قبل 3 سنوات يعني في صيف 2006 نتيجة اجتياح كان لمنطقة التوام(الكرامة تقريبا) الشاب اصيب بشظية صاروح ادت لفص راسو عن جسمو فعاد يوم ما ودعناه صدقوني يا جماعة الخير لما حطيت ايدي عليه الدم من كتره صار يطلع من بين اصابعي بس مش هان العجيب
العجيب يا جماعة الخير انو اخو استشهد في الحرب الاخيرة وكان الشب حاكي في وصيتو انو يندفن مع اخو فرحنا فتحنا القبر (هنا ياتي العجيب ) والله الله والله يا اخوة ما بازل عليكو بحرف الشب وجدناه زي ما هوة كإنو توة مدفون والاعجب من ذلك انو لما اجينا بدنا نزيحو علشان انحط اخو اقسم بالله الذي لا اله الا هو انا الدم خرج من بين اصابع الشب الي كان يدفنو وكانو لسا بينزف وطبعا كان الو 3 سنين مستشهد
فصدق الله عز وجل حين قال في محكم التنزيل "وَلاَ تَحْسَبَنَّ الَّذِينَ قُتِلُواْ فِي سَبِيلِ اللّهِ أَمْوَاتًا بَلْ أَحْيَاء عِندَ رَبِّهِمْ يُرْزَقُونَ"

ان لله وانا اليه راجعون

ربنا يرحمو ويتئبلو في فسيح جناته


ويصبر اهلو ع فرائو