شعراء وأدباء حارتنا
من طرف البسمة الحزنية الجمعة 29 يناير 2010, 9:03 pm
ندالة أهلهاميت ألف فرصه عشان أسيب مصر
ولا عمري سبتها
علشان هى بلادي اللي بجد بحبها
بحبها بكدبها وصدقها
بحب فيها أصالة وندالة أهلها
بحب فيها السهر بحب
زيفها وأصلها
بحب فيها طلعة الشمس
تنور وشها
بحب فيها القمر طالع
يغازل حسنها
بحب فيها المشي علي شط
نيلها وبحرها
بحب فيها بناتها
راسمين ملامح شعبها
دي بنت مايصه وحاطه
ورده فـ شعرها
ودي بنت جد ونازله
جري لشغلها
هتلاقي فين بلد
فيها الكنايس والجوامع
بتحضن بعضها
مسلم مسيحي إخوات
راضعين طيبة من صدرها
نبع الحنان ويناموا حاضنين
أرضها
هتلاقي فين تاني بلد
كل حاجه فيها
تخليك تحبها
هتقولي ظالمه هقولك
برضو بحبها
هتقولي ضالمه
مهو ده سواد شعرها
هتقولي زحمه هقولك
علشان بنعشق أرضها
هتقولي فيها فساد
هقولك ده من طيبة شعبها
جرب كده تسهر ولو وحدك
علي ضف نيلها وحبها
جرب تشوف بنت حلوه
مع شاب واقف جمبها
بيحبها شايل في قلبه
هموم الدنيا كلها
وبرضو بيحبها
جرب كده تاكل دره وترمس
علي شطها
وتشوف وشوش الناس
واضحك زيها
طب وانت ماشي لوحدك
ووقعت في مشكله
مش بتلاقي ألف واحد
جمبك بيحلها
لا تعرفهم ولا يعرفوك
بس جمعكم حبها
أهي هي دي مصر
زاحمه ظالمه
فاسده ضالمه مش مهم
ده كفايه خفت دمها
هافضل لمصر أقول وأعيد
أنا أصلي عاشق أرضها ِ
» جروب علي الفيس بوك
» غبنا وغاب الابداع,,,ورجعنا نعدل الاوضاع
» شاهد أغرب مركز تسوق فى العالم
» سجل حضورك بنطق الشهادتين (يرجي التثبيت)
» سجل حضورك بلن نعترف باسرايل ارجو التثبيت
» سجل حضورك يوميا بالصلاة على الحبيب محمد
» كتة بتخليك ترد غصـــــــــب....هههههههههههههههههههههههههههههههههه ههههههههههههههههههههههههههههه
» فوائد انقطاع التيار الكهربائي في غزة هههههههه حكمتك يارب