ذكرى الحرب على غزة ... لكل شخص حكاية

يوم السبت الموافق 27 ظ 12

كان من المفترض انو اروح الجامعة الساعة 6

لكن تاخرت وصحيت من النوم الساعة 11

سويت كاسة نس كافيه ووقفت على الشباك لاعرف كيف الجو عشان اعرف شو بدي البس

ثواني والا صاروخ هنا وصاروخ هناك

دخان اسود في كل مكان

رحت على قناة الجزيرة كانت ناقلة لصورة مباشرة

وباقي اليوم كان على التلفزيون بس

انا ايامها كنت قاعده برا عنا انا وخالتى وكنت بدرس مروحه من المدرسه عليا اختبار اقتصاد ودين اخر الفصل
وانا بدرس قاعده فجأه سمعت قصف وصرخت صوت وانا وخالتى حضنا بعض من الخوف وكان ابن جيرانا واقف على السطوح عندهم وصار يحكيلنا انقصف كدا وكدا000000واشتشهدوا 90 وكل حين بزيدوا بهبل عدد الشهداء بعديها روحت على التليفزيون وانا ماسكه الكتب وانا بدرس والله يعلم كيف كنت بدرس واعلنوا انوا اضراب وبعدها رميت الكتاب
ايام صعبه كتيرررررر
بس كانت حلوه جمعتنا مع ناس كنت بتمنى انى اعرفهم من زمان بس انا كنت متوقعه بالحظة وتانية انوا ينزل عليا صروخ واموت
ما كنتش متوقعه انى اسلم منها
بس ربنا كريم

ياااا لطيف الله ما يعيدها من اياام
يا لطيف كلها اصعب من بعض
اول يوم بالحرب كنت بالجامعة وكان المفروض عندى كويز وبعتقد وقتها اكتر من صوت طلع بنفس الوقت
ما بعرف انا اغمى علي وبعدين وحدة رفيقتى روحتنى عالبيت واهل البيت طبعا طول الوقت تليفونات يطمنو وكده
اصعب موقف صار معى بالحرب وقت ما قالو انو بيت جيرانا مستهدف هى عمارة من 6 ادوار وبيتانا اكتر بيت قريب منها انا دووبت عالاخر ووقتها روحنا عند خالو ونمنا عندو وطول الليل وانا ابكى كتييييييييييييييير وتانى يوم قالو اشاعة طبعا ما ارضيت اروح عالبيت شارعنا خطر لانو ولو بدى ارجع عالبيت الاسعاف هو الليب وصلنا
يا لطيف 11 يوم من دون كهربا وكانت الدنيا ما في غاز وطبعا قصص البابور قصص اوووووووووووووه
والمية نو وى
ياااا لطيف الله لا يعيدها من ايام

يوم السبت
كان علي امتحان
وانا في قاعة المتحان بدات الصواريخ
شوفتو اكتر من هيك وقت مناسب
للحرب
الله لا يعيد هديك الايام

الالام عصفت بالقلب والارواح فاوجعت كل الشعب
حال المليون ونصف مليووون شخص في غزة
نهار غزة مثل صباحهاا قصف متواصل
قتل للابرياء
والتهمة بالطبع انت فلسطيني فانت محاكم بجرم عظيم
وعالم يتفرج بمنتهى الراحة والطمانية للي بتعملو طائرات العدو الغاصب
طبعا ما كات حربا عادية لكن حرب ابادة جمااعية دمرت فيهاا قوات الاحتلال الشجر والحجر والبشر
ما كان بدها اي شي بيتحرك
هذه الذكرى الاليمة
ما بدنا نعيد الالام لكن رح نحييها بعزيمة وشجااعة المتقدمين الواثقين بالغد
الراجين من الله بكل سكينة ان يعاد المجد
الذين تقدموا بصبرهم وجلدهم حسبهم ان رب العزة يراهم وهو شهيد عليهم

بالنسبة لالي يوم صعب كتير...بتزكر كان عندي امتحان..وساعة بداية القصف كنت بالمرسم بالجامعة ...صار القصف واصوات اانفجارت واحنا مش عارفين شو بصير.....فاكرة الموقف كأنو صار امبارح...بعدها حملت حالي وروحت وانا متفاجئة كتير......
لما روحت انصدمت بعدد الشهدا ما توقعت ابدا
المهم انو الواحد يومها ودع الهدوء وبدات الحرب
بالنسبة لالي ما كنت اشوف التلفزيون نهائيا لانو عنجد الصور ما بيتحمل حد يشوفها كانت كتيرفظيعة وطبعا ما في حدا ما فقدعزيز او قريب الله يرحمهم كلهم ويتقبلهم شهداء ويجعل مثوااهم الجنة

تنزكر وما تنعاد ان شاء الله

يوم السبت أول يوم بالحرب

كنت بالمدرسة كان يوم ممل جدا وكنت كتير مدايئة وبستنى امتى أروح أول صاروخ نزل على غزة كان مع رنة الجرس لتننهي الحصة السادسة ويلي هي حصة فيزيا الكل ما صدق انو قصف ... شي طبيعي البنات صاروا يبكوا وهما كمان جايين ليقدموا اختبارات ...وما قدرنا نطلع من المدرسة لانو اذاعة الاقصى وبيت الشهيد سعيد صيام وزير الداخلية سابقا بنفس شارع المدرسة وبهاللحظات كان كل شي مستهدف بعد ساعة تقريبا قدرنا نروح عالبيت الحمدلله

وهاي ذكريات اول ساعة من بداية الحرب