وقع القلم

وقع القلم



بتصحى ع ال خمسه الصبح
بتلبس احلى اواعيها سنفوره ما شاء الله عليها وبدها تثبت وجودها بالجامعه
المهم ....
بتفتح عيونها .... بتطلع ع الموبايل بقرف ... واااااااااال الساعه صارت خمسه وبعدني ما لبست !!!
كيف بدي الحق محاضرة الثمنيه ( مع انو الطريق من البيت للجامعه نص ساعه )
بتنادي ع اختها الصغيره .... طبعا اختها بتكون نايمه لسه ، بتصحي البيت ع صوتها
بس تيجي اختها الصغيره بتوشوشها بصوت واطي ع اساس ما بدها حدا يسمع
"تعالي امسكيلي البنطلون "
وبتطلع الرياضيه فوق الخزانه ...
وبتنط ...
هب وبتيجي سنتره جوا البنطلون ...
وبغض النظر عن التمزق العضلي الي رح تحسو
بس القصه وما فيها انو الجينز اكثيييييييييييييييير ظك ...
بعد ما تسكر الزر
بتنط النطه المشهوره وبتقول ييييييييييييس ...
تمت المرحله الاولى بنجاح ....
ما علينا من البنطلون
لانو سولافتو سهله ابو ربع ساعه تجيب السلم ع الخزانه وتطلع وتنط
اما البدي !!! تبع بابا سمحلي
اصلا عيب انسمي قطعة قماش مالها لا ادين ولا كتف ولا صدر "بدي "
ولا حتى بطلعلنا نحكيلها بروتيل ....
هو احلى اسم الها قطعة قماش " غير صالحه للاستهلاك البشري " ...
بعد ما تبلسها " قطعة القماش طبعا " ....
بتركض ركاض ع المراي اتشوف اللوك العام كيف صار !!!!!
بصراحه وببصملها انا شخصيا بالعشره ... " اشي بجنن "
ويا حياتي ... خلصنا الاساسات وبدنا نشطب
وزي ما بتعرفو تشطيبنا اذا مو سوبر ديلوكس بمشيش معنا
لانو بنسير بندنا نروح من المحاضره الثانيه ع البيت ...
خلينا احكيلكو شوي عن موضوع التشطيبات :
1- السنفره :
نأتي بـ 6 ورقات قزاز خشن ....
4 ورقات قزاز ناعم
(سوالف دهينه ) عشان نطلع باساس جيد ومتحضر " بيضوي "
2- الشيد : هو عباره عن 4 براميل بودره (MAKE U FOR EVER)
3- كريم اساس : ينصح بان يكون كرستند يور
4- حومره ( عند الراقيين جلوس ) ممكن تكون "لب ستك"
ينصح باستخدام لون فاقع احمر ع بيتنجاني ... ع اساس تطلع الشفايف عسل
5- كحله بمقدار ملعقتين يوميا ( لا اكثر ولا اقل )
عزيزاتي يرجى التقيد بالتعليمات المرفقه مع الروشيتا مع مراعاة حجم الرمش والحاجب والشفايف الخ ...
6- مسكاره ...
المهم بعد ساعتين حت وسنفره ... ناتي بكريم الاساس
ونضع منه ما لا يزيد عن 3 علبات
باستخدام المسطرين الناعم
""" !!!!!!!!!!!!!! تحذير : يوجد مسطرين خشن بالاسواق لا ننصح باستخدامه !!!!!!!!! """
بعد الجلوس امام المروحه خمس دقائق
ولاختصار الوقت يمكن استدخام السشوار للتنشيف السريع !!!
نعود للمرآه ونبدأ بمرحلة الشيد ...
4 وجوه املشن ابيض دون استخدام الزياتي !!!!
فرشاي رول او فرشاي عريضه حسب نوع الوجه !!!
ما علينا بعد ما تحطهم الانسه
وتخلص !!!!
بنبدا بعملية قلب الخلقه والملامح !!!!
ناتي بخلاط مولينكس نضع المساحيق الملونه
نخلطها جيدا ثم نزين بها البشره ...
بابا : يلا يا بنت اتاخرتي ع الجامعه يا دوبك تلحقي مواصلات
البنوته : يا بابا ما الحق عليكو ما صحيتوني بكير
بعدين وين الاكسسوارات من الصبح بدور عليهم اكيد اختي الزنخه داومت فيهم
بتطلع السنفوره ويا حسرتي ع البابا ماشي هيك مرفوع الراااااااااااااااس
معنقر البوريه " اذا ما كان بالجيش بنقدر نقول نافخ صدرو "
ومشاعر النشوه والفرح والكبرياء تغمره !!!
ييييييي اسم الله عليها بنتي صارت عروس ...
وبتروح ع الجامعه ...
جدول الجامعه
بصفتها سنفوره نازللها اسم الله عليها الفهمانه الكبيره العاقله 12 ساعه
احد - ثلاث - خميس
والجدول كالتالي ...
1- محاضرة 8.15-9.15 الهندسيه ...
9.15-9.30 تعديل ميكب بالحمام ( تواليت )
9.30-11 فياعه بال c مع الشله
2- محاضرة 11.15-12.15
12.15-12.30 تعديل ميكب "2" بالحمام ...
وتستمر المسيره ...
وفجأه يا شباب !!!!!!!!!!!!!!!!!!!!!!!!!
بوقع قلم الصبيه
يادي المصيبه ....
الست السنفوره الفهمانه المتعلمه بدها تنزل اطول القلم
لو وست ... ديق زياده زياده عن اللزوم
شقفة اقماشها الي لابسيتها من فوق قصيره اصلا والظهر مبين من غير واسطه انها اطمل
وطملت بدها اطول القلم " و تلت ارباع الجامعه من ورا ببتتفرج " طبعا ع القلم ما يروح مخكو لبعيد "
الظهر بره والابصر شو بره والشمسو بره والدنيا والعالم والنااااااااااااااااااااس
والدكاتره والامن واالمش عارف مين ....
وطالت القلم ...
برن عليها بابا هيني يا بابا ع باب الجامعه كملتي
اه يا بابا كملت ...
تعالي هيني بالسياره
وبتطلع بالسياره
وبرمضان
بسالها كيف الصيام كان اليوم
ان شاء الله يابابا واصصصصصصلللللل !!!!!!!!!!!!!!!!!!!!!!!!!!
وبصراحه واصل وانا صيامي واصل وكل شباب الجامعه الي تفرجو ع القلم صيامهم واصل ...
وعندكو الباقي