شعراء وأدباء حارتنا
يمّه عليه إن زعـل ... واذا رضـى يمّـه
يمّـه ذبحنـي غـلاه ... وشـلّ وجدانـي
يمّـه غرامـه طريقـي ... ولازم اتـمّـه
شيٍ مـن الله علـى غفلـة تغَّشَانـي ...!!
اشهق على ضحكته واشفـق علـى ضمّـه
واموت منه إن جفى ... وإن جاني احيانـي
إن كان درب الشقى يمر مـن يمّـه ...!!
والله لكمّـل شـقـاه " إن الله احيـانـي "
اقـول ياسيـدي ... ويقـول ياعمّـة ...!
كـلٍ ذبحـه الولـه فـي عشقـة الثـانـي
اشتاق طعـم الغديـر اللـي وسـط فمّـه
مقدر اخبّـي عليـه ... اكتـب ويقرانـي
قمت اشتكـي للغـلا ... واصيـح واخمّـه
ياشيـن بلـوى الهـوى ... الله لا يبلانـي
يقـول لـي بالهـوى مذهـب ولـي ذمّـة
واقـول بصـرك ... ولكـن لا تعـدانـي
ابـي طريقـك يصيـر لوجهـتـي يِـمَّـة
ومنيـن يممـت وجهـك غصـب تلقانـي
يزمنـي بالهـوى ... زمّـة ورى زمّــة
قطّـع وريـدة وخاطـه وسـط شريانـي
مبطي اذا خفت صحـت وقلـت " يايمّـه "
والحين اذا خفت صحت وقلت " ياحصاني "
لا واهني من قرب منـه ... ومـن شمّـه
ماكن ربـي خلقـه الا علـى شانـي ...!!
جيتـه وكلـي مـن الاشــواق ملتـمّـة
أمشي من الصبح لين ان عشقـه امسانـي
ياحلو لوعـة شقـاه ... ويـا حلـو سمّـه
والله ياهو بالهـوى " مـن جـد ورانـي "
ادمـى عيونـي ... وحنـى يدينـي بدمّـه
وعلـى طريـق الولـه اقفـى وخـلانـي
يمّه احبّه ... فديت ابـوه قبـل امّـه ...!
يهزني هـز ريـح ... وزلـزل اركانـي
وش فيه اذا البنت تعشق...؟! ... الهوى قمّة
خليني اعشق قبـل مـا تابـس اغصانـي
يهمنـي حيـل ... وادري فينـي اهـمّـه
حتى اسألي روجي الـوردي ... وفستانـي
» جروب علي الفيس بوك
» غبنا وغاب الابداع,,,ورجعنا نعدل الاوضاع
» شاهد أغرب مركز تسوق فى العالم
» سجل حضورك بنطق الشهادتين (يرجي التثبيت)
» سجل حضورك بلن نعترف باسرايل ارجو التثبيت
» سجل حضورك يوميا بالصلاة على الحبيب محمد
» كتة بتخليك ترد غصـــــــــب....هههههههههههههههههههههههههههههههههه ههههههههههههههههههههههههههههه
» فوائد انقطاع التيار الكهربائي في غزة هههههههه حكمتك يارب