شعراء وأدباء حارتنا
إيه والله يايمه إني احبه وأموت فحبه،، إيه يايمه عشقته وحبه وسط
شراييني أحسه ،، يايمه اموت لا غاب عن عيني ،، فديته يايمه وفديت ثرى
أرضه،، آه يايمه لو شفتي بسمته او سمعتي ضحكته ولا نظرتي لعيونه وقت
لهفته.. احسه مثل الطفل يمه ،، يموت لا زعلت منه ،، ولازعل بكلمة حبيبي
يرضى بسرعة،، دمعته وآه يا يمه من دمعته،، لاشفتها أكره أنا عمري
ولحظته ،، يمه هذا طفلي ،، إيه طفلي ،، هذا طفلي إلي ماولدته ،،
ويعجز لساني لا وصفته ،، بس عشقته والله يايمه عشقته،، والله إني يايمه
أحبه حب من الخخاطر،، يمه أحبه ولا تسأليني ليه؟؟ حبه من ربي
ماتصنعته ،، حبه سكني بدون أسباب،، والحب من الله ماهو بيد المخاليق
،، والله أحبه وعلى بعده أنا صابر،،وهو يايمه حبي الطاهر،، وهو
الوحيد إلي على روحي أنا يامر،، فديته وفديت كله ،، فديت روحه
وفديت عمره،، أموت وأحيا انا لجله،، وليبي عيوني ترخص له ،، أحس
الدنيا يايمه من دونه ظلام الكون يغشيها،، ودنياي أنا من دونه ترى
والله ما أبيها ،، أشواقي له تدفعني وأحاول دوم أخفيها ،، تلهف
لقربه بس دوم أحاول أهديها،، وروحي يايمه في بعده جريحه وبائسة
والحزن دوم مخاويها،، تدرين يايمه كل ليلة نسولف ونحكي وشوقنا بالحشا
يجري،، نتذكر الماضي بحلوه ومره ،، وحاضرنا ومستقبلنا،، نخطط ونرسم
أحلامنا وأمانينا،، وماهمنا العالم لو الكل يجفينا،، نبا حبنا
العذري ،، ننام وليلنا يسري علينا من بدري،، هو بدري وهو شمسي،،
ونبضه دوم ساكنن صدري ،، يمه روحه احسها بوسط روحي،، وقلبه هو الي
بين ضلوعي،، وحبي له حب جنوني والله يايمه والله،، بس تخيلي يمه،،تخيلي
يكون لغيري؟؟ وتضيع أحلامي وسنيني؟؟ وين أروح أنا؟؟ وين أروح بشوقي
وحنيني؟؟ وين أروح بلهفتي ودموع عيني؟؟ تخيلي يوم زفتهم وكل الناس
تهنيهم،، وكلن يرقص مستانس وأشوفه جالس جنبها يحكي معها يناديها.
. وقلبه يايمه؟؟ وقلبه يايمه يبكي دم على حب سجن به طول العمر،،
ويتمنى بلحظة تصير معجزة وأجلس انا بدالها،، تخيلتي يمه؟؟ ردي علي
تخيلتي؟؟؟ طيب وأنا؟؟ من يواسيني؟؟ من بيمسح الدمع عن عيني؟؟ ومن لا
صرخت الآه يلبيني؟؟وبعد هذا كله يايمه تبيني أعيش مرتاحه؟؟ وأنسى
الهوى وحبه وجراحه؟؟ صحيح إني تمنيته وأعيش باقي عمري في بيته ..
أداريه وأحطه بعيوني,, كان عهدن علي وحطيته ،، إني أحبه طول
العمر.. أحبه يايمه ولاتسأليني ليه؟؟ حبه سكن فيني..
وإذا كان حبي له أكبر خطاياي ..أبقولها مليون مره أحبه وبعد أحبه..
وخليها يايمه تكون اكبر خطاياي.. رجيتك ياربي تحفظه وتصونه.
رجيتك ياربي تجمعني به واعيش باقي عمري وعيوني بعيونه/،،وانا
اوعده ماراح أخونه،،ولا أنا أبد ملامح عيونه ،، بسأحبه يايمه واموت
فحبه.. وربي أشقه واهواه وقلبي على قلبه،، ربي لا يحرمني منه يايمه،،
ربي لايحرمني شوفه وصوته،، وأعيش باقي عمري واتهنى بقربه،، وتفرحين إنتي
يايمه بيوم زفتنا،، وتنثرين أغلى الورود لأحلى عشق بان على عيون
بنتج،، أحبه يايمه ،، أحبه..
» جروب علي الفيس بوك
» غبنا وغاب الابداع,,,ورجعنا نعدل الاوضاع
» شاهد أغرب مركز تسوق فى العالم
» سجل حضورك بنطق الشهادتين (يرجي التثبيت)
» سجل حضورك بلن نعترف باسرايل ارجو التثبيت
» سجل حضورك يوميا بالصلاة على الحبيب محمد
» كتة بتخليك ترد غصـــــــــب....هههههههههههههههههههههههههههههههههه ههههههههههههههههههههههههههههه
» فوائد انقطاع التيار الكهربائي في غزة هههههههه حكمتك يارب