الصمت له حشمة ومقدار...

الصمت له عندي معزه ومقدار
في زحمة الافواه..يامزين الصمت!!
لاصار بعض البوح عند البشرعار
لو يشتعل جوفي حشى ماتكلمت
وتعبت من قولة(علامك)و(شو صار)
وان طحت ماألقى سوى كلمت(سلمت)

وأعذار أخلقها ولو مالي أعذار
مشيتها مرة..ومرات مارمت!!
كذبة صباح/ياصبح الانوار
عذري ليا عدت ليالي ولانمت
أسهرطوال الليل وضيوفي أفكار
وأقول لاصحاب:نعم توني قمت!!
ماعاد فيني ألفت عيون وأنظار
يكفي بأني من زماني تعلمت
ان الصدر بيت/ن..وسكانه أسرار
نيام..بس يصحون لامن تألمت
يصحون ويناظرهم الجار والمار
وش عاد ينفع سترهم لو تكتمت؟!!
أقدم أقدامي على درب الاصرار
أمشي ولكن لاسف ماتقدمت
(الغاير قدامي..ومن خلفي النار!!)
والعمر يمضي بي وأنا ماتولمت
يالين ذاك الحلم في لحظة انهار
وانا مع لحظة سقوطه تحطمت
اجروحى اكثار..وتناهيدي اكثار
لكن على كثر المواجع..تبسمت!!
ثم التزمت الصمت وعزومي اكبار
ولو يشتعل جوفي حشى ماتكلمت