حكيت اكثر من اللازم نسيت ان السكوت عقاب

ابي اعفيك من بكره مدام اليوم عنا غااب
مدام الفرح يسوى بعض دمعاتك..
قبل لا ياخذك فكرك بين ودا وجاب ..
ابي اختار بعدي عنك مدام البعد رغباتك..
آمانينا وحكاوينا وقصة ما حملها كتاب..
تخيل كل هذا الحب تلاشى في تفاهاتك..
لعبت الدور في حبي ولك مني اشد اعجاب ..
عرفت شلون توهمني وكنت اصدق ضحياتك..
تحملني الغلط يومك عجزت تناقض الاسباب..
ضعيف النفس ما تقوى تواجه حتى غلطاتك ..
معاناتك مع نفسك لو يلبس عنك حجاب ..
تأكد ما احد غيري قدر يفهم معناتك ..
شعورك فـ الهوى زايف ولو تصرخ كذاب..
قطار العمر يرحل بك ولا تعرف محطاتك ..
بكيفك عيش ايامك وجرب كل يوم احباب ..
شبيهـ(ن) لك ترى تلقى وتلقى فيه لذاتك ..
سقط تمثالك الثلجي محى بعضك وكلك ذاب..
معالم دنيتك ضاعت صعب تعويض ما فاتك ..
حكيت اكثر من اللازم نسيت ان السكوت عقاب ..
غلط افرض عليك احساس مهو موجود في ذاتك ..
حبيب العمر لك شكوى , لنسيانك فتحت ابواب..
بلا ما احرجك اكثر تطمن رغبتك جاتك ..

**********