نكشة راس حارتنا 
يوميات قديحي في حارتنا
من روتين ابن قديح في حارتنا
اول شي بيصحى الصبح من الساعة 6 على صوت بياع البندورة يلا البندور يلا البندورة .. وطبعا عبال ما يفوت بياع البندورة من اول الشارع لآخره بيكون راحت النومة ... وقرف الواحد حياته وراحت احلى الاحلام
بعد ما يطلع بياع البندورة بيجي وراع بياع الكلور .. كلوووووووووووور كلوووووووووووووووور .. وبيصير نفس الموال
والمصيبة ازا كانو نسوان الحارة بدهم يشترو كلور .. بتوقف كارة الكلور تحت شباك غرفتك .. وبيصيرو يشترو ...
يكسر خاطرك ليش الكلور غليان القزاز صايرة بشيكل ونص .. الله ينكبك يا بعيد ..
بيروح بياع الكلور وبيضلو النسوان تحت الشباك يتخرفو .. شو طابخة اليوم يا ام احمد .. عليا خبيز يا ام محمد
امانة تحطيلي قدر السلق عندك بعد م تخلصي خبيز
وهات ايدك هات على خرارييف نسوان حارتنا
صارت الساعة 8 هلقيت واخونا بالله صحي متنكد .. بيقوم بيفتح التلفزيون من غير ما يغسل وجهو حتى . والعماس تحت عينيه .. وبس يتأمر عاد على خواته
انتي اعملي فطوور ... وييين الشاي يا بنت .. من الاخر بيقززهم حياتهم ... ويا ريته ضل نايم
عبال ما ياكل ويشرب الشاي بينزل البلد عند الجامع وشارع منكوش وحالتو حالة وبيلفلف على المحلات
شوي بيفوت على ياسر ياخدلو بسكوتة .. وبعدها بيعدي على محل الحوت يصبح عليه .. وكيف حالك يا حوت وكيف البيع معك ..
بعد الحوت بيروح على ابو كوكب بيشتري باكيت دخان رويال ب 6 شيكل ونص
وبيولع هالسيجارة وبيقعد عند بسطة ابو النعيم .. بيستنى الحلاقين يفتحو عشان يحلق شعرو ..
وطبعا الكل بيعرف حلاقين البلد .. هادول ناس بطرانة .. بدك الف واسطة عشان تلاقيهم وتحجز دور وتحلق عندهم
بصراحة انا واحد من الناس لما بدي احلق بحجز قبل ب 3 ايام
المهم اخونا حلق وعبال ما خلص حلاقة صار الدنيا قريب الضهر
بيرجع على البيت بيلاقي امه طابخة للغدى .. طبعا قصته معروفة ازا كانت الدنيا شتا يا طبيخ بازيلا يا طبيخ فول
وازا صيف طبيخ بامية او ملوخية
وازا كانت يوم الجمعة بيكون فت
خلص هالغدى واخونا ناوي يناملو شوي الان لانو صاحي متنكد على صوت البندورة والكلور .. لسا بيحط راسو ينام .. وعينو بدت تغمض .. بيسمع صوت جاي من راس الشارع .. عالسكيييين يا بطيييخ احمر يا بطييييخ :shock:
شوف المزة عاد .... وبيقعد اخونا ابن قديح يخبط في حالو كفوف وينش الدبان من عليه
شوي شوي اجت السهرة
وطبعا لبس كل الاواعي الي عالحبل
وطلع على ليالي ابصر مين
ما الدنيا عامرة افراح
وضل يخلع هو والشباب لنص الليل اشي يرقص عالبحارة مع معتز فايز
وما بننسى باقي الشباب الرقيصة واكيد وطبعا الفزب الي رايحية جاية على الليالي
كل واحد مقعد واحد وراه وبيلفو في الشارع
وبيروح اخونا ابو قديح في اخر الليل بعد ال 12 وبيحط راسو وبينخمد ينام
عشان تاني يوم يكرر نفس الشي .......
********************
تحياتي
» جروب علي الفيس بوك
» غبنا وغاب الابداع,,,ورجعنا نعدل الاوضاع
» شاهد أغرب مركز تسوق فى العالم
» سجل حضورك بنطق الشهادتين (يرجي التثبيت)
» سجل حضورك بلن نعترف باسرايل ارجو التثبيت
» سجل حضورك يوميا بالصلاة على الحبيب محمد
» كتة بتخليك ترد غصـــــــــب....هههههههههههههههههههههههههههههههههه ههههههههههههههههههههههههههههه
» فوائد انقطاع التيار الكهربائي في غزة هههههههه حكمتك يارب