مواضيع حقيقية وطريفة!!!!

كنت مره فى يوم جالسه وجالس جانبى واحد
شكله يقول انه مهندس دكتور حاجة كده
و فجأة حاسيت ان حد بياخد مني حاجة
والمشكلة انه طلع حرامي و سرق موبيلي
و هو بيسرق موبايلي وساعتها رن الموبايل
معرفتش اعمل ايه فقلتله ممكن الموبيل راح اداهوني
والله حرامي طيب

مرة واحد اتصل بيا وقالى انتى طالق يا سناء طالق طالق طالق
ولما قولتلو ان النمرة غلط قال انا اسف وقفل

واحنا في رمضان بقوم اصلي الفجر اهو الواحد يعمل ثواب
عن كميات المعاصي اللي بيعملها طول السنه المهم
انا صحيت وطبعا كان شعري منكوش اتوضيت
ودخلت اوضه ماما على طراطيف صوابعي لانها كانت تعبانه
وانا ماشيه اتكعبلت خبطت في السرير والدنيا مظلمه
ماما صحيت ولقيتها عنيها مبحلقالي وبتقول(( عفـــ....عفــ .......عفــ............عفــــريت يا خراااااااااااااااااااااااااااااابي))واحنا الاتنين في صوت واحد يا بـــابـــا
________________________________________

معلش هى قصة صغيرة بس تخليك تفكر مليون مرة
قبل ما تعمل موقف شهامة مع بنات اليومين دول ..
ليه بقى ..أقولكم ليه ...مرة واحد صاحبي كان فى المترو
ولقى بنت واقفة وهو كان قاعد راح عمل شهم وقعدها مكانه
ووقف بعيد شويه بس شايفها .جات بنت صحبتها جنبها
ومش لاقيه مكان بتقولها يا بختك انتى لقيتي مكان تقعدى ..
قامت قالت لها دورى يمكن تلاقى واحد حمار يقعدك مكانه ..
وصاحبي الشهم سمع كل ده .. شفتوا بنات اليومين دوول ...
.إن كيدهن عظيم ...

فى يوم كان الاستاذ بيشرح عن المخدرات
وكان جايب شوية حاجات مثل المخدرات
مثل بودرة الطباشير والملوخية الناشفة
وفعلا يشبه مثل المخدرات و فجأة واحد زميلى
قال كبسسة شرطة العيال كلها جريت
و الاستاذ لم الحاجة بسرعة وجري وهو مرعوب و شكلة عاش دور تاجر المخدرات
ههههههه مقلب

كنت فى مره ايام الثانويه العامه كنت رايح اشترى لبن
المهم ان من طبعى كل لما اكون مشغول فى حاجه
انسى الدنيا كلها المهم روحت للبان وقلتله عايز كيلو لبن
واعطيتو 20جنيه قام الراجل ادانى الباقى وراح يعبى اللبن
بس قبل مايعبى اللبن كنت مشيت.وروحت البيت
ماما بتقولى فين اللبن قلتلها نسيته قالتلى طيب جبت ايه ..؟
قلتلها جبت الباقى.بصراحه كنت مكسوف خالص
وفى ثانيه كنت عند الراجل بجيب اللبن.ثانويه عامه بقى

كنت مره بعمل شاى لاخواتى وليا ففتحت شباك المطبخ
لقيت صرصور مره واحده جى عليا رحت صرخت وصحيت البيت كلو
قمو قلولى ايه فى ايه قلتلهم صرصور
اخويا حدفنى با ولاعة وقلى افتكرنا المطبخ ولع

كنت لسه صاحي من النوم، عالصبح كده،
المهم ماما قالت لي إلحق الراجل بتاع النعناع قبل ما يمشي،
عشان تجبلنا منه. جريت عالبلكونة، يا عم يا بتاع النعناع انت يا عاااااااام.
الراجل جاني، طلبت منه ، جهز طلبي و انا بفك السَبَت علشان متكعبل في بعضه،
الراجل زهق منّي. قاللي:"القف منّي يا بيه" ، المهم رمالي النعناع،
سيبت السبَت و مسكت النعناع، دلوقتي انا معايا النعناع و الراجل معاه السبَت
. رمالي السَبَت فسيبت النعناع عشان امسك السبَت. الراجل افش عليا و قاللي:
"دخل السَبَت الاول و بعدين خد النعناع". سمعت الكلام وتحملت التوبيخ
و اخدت النعناع وفرّجت المنطقة عليّا و كل ده عشان لسة مقلوب من عالسرير!

مره كان جنبنا بقال وانا كنت عازه لبان المهم
البقال ده كان عنده بابين بيطلو علي شارعين
انا رحتله من باب قلتله عندك لبان قالي لا
رحت لفه له من الباب التاني وانا بفتكره بقال تاني وقلتله
عندك لبان زعق فيا وقالي قلت لا كان شكلي وحش اوىىىىىىىى

مرة كان فى حرامى فى البيت فاخويا قال لماما فى حرامى ماصدقتش
خالص فالتلهم انا هفتح الباب وورونى هو فين الحرامى ده
وبتفتح الباب لقت الحرامى فوشها قامت مصرخه


مستنيه رايكم وردوكم

هههههههههههههههه
بجد يا قناص نكت وقصص كتير ررررررررررر حلوة
وتسلم على هالنكت
و تقبل مرور

تسلم قناص على المعلومات الاكتيررررررر حلوة ومفيدة
يعني الواحد ابيعرف على المرأه شي منيح بالنسبة لرموشها
ههههههههههههه